Badator ehunmilak Ultra-Trail® probaren XIV. edizioa, uztailaren 11, 12 eta 13an

Probaren aurkezpen prentsaurrekoa

ehunmilakek urtez urte hazten jarraitzen du, pausoz pauso baina etenik gabe. 2025 honetan, hamalaugarren edizioan, parte-hartzaileen kopuru altuak mantenduko ditu eta 1.600 lagunetik gorako boluntariotza taldea izango dugu!

Gaur eguerdian aurkeztu da ehunmilak probaren 2025eko edizioa, 2 parke natural (Aralar eta Aizkorri-Aratz) eta 30 herri gurutzatzen direlarik.

Kirol arloari dagokionean urteroko 3 probak mantentzen dira:
● ehunmilak Ultra-Trail® proba (171km / D+ 10.500m).
● goierriko bi haundiak trail (90km / D+ 5.500m).
● marimurumendi maratoia (42km / D+ 2.300m).

Ikusi dokumentu osoa HEMEN

Download (PDF, Unknown)

• 2025. urteko uztailaren 11, 12 eta 13an ospatuko da ehunmilak proben 14. edizioa.

• Proba paregabea da, bi parke natural (Aralar eta Aizkorri-Aratz) eta 30 udalerri zeharkatzen ditu. 1600 boluntarioren laguntza daukagu.

• Aurten ere hiru lasterketa klasikoak mantenduko dira:

  • ehunmilak Ultra-Trail® (171km / D+ 10.500m) → 550 partaide (bai banaka zein taldeka).

  • goierriko 2 haundiak trail (90km / D+ 5.500m) → 550 partaide.

  • marimurumendi marathon (42km / D+ 2.300m) → 350 partaide.

• Ostegun honetan, azaroaren 7an, arratsaldeko 17:00etan irekiko da izen ematea.

• Izen emateak link hauetan:

  • ehunmilak Ultra-Trail® → https://labur.eus/zMCll

  • goierriko 2 haundiak trail → https://labur.eus/woS1Q

  • marimurumendi marathon → https://labur.eus/s4yOI

• Izen emate pausuak:

  • ehunmilak Ultra-Trail® → izena eman eta ordainketa jarraian egingo da.

  • goierriko 2 haundiak trail → 17:00etan izena eman. 18:00etan ordainketa egiteko emaila jasoko da (72 ordu daude ordainketa egiteko, bestela plaza galduko da).

  • marimurumendi marathon → 17:00etan izena eman. 18:00etan ordainketa egiteko emaila jasoko da (72 ordu daude ordainketa egiteko, bestela plaza galduko da).

• ehunmilak Ultra-Trail® (ehm)

  • Banaka zein taldeka (3 kideko taldeak) parte hartzeko aukera dago.

  • Coloradon (AEB) ospatzen den “Hardrock 100 mile endurance run” lasterketarako kalifikagarria izango da.

• 3 lasterketetako araudia eguneraturik dago web orrian. Garrantzitsua da izena eman aurretik araudia ondo irakurtzea, gaizki ulertuak ekiditeko.

Traola ofiziala: #ehunmilak25

 

Download (PDF, Unknown)

2025 uztailaren 11, 12 eta 13an ospatuko da ehunmilak Ultra-Trail^®  lasterketaren 14. edizioa!

Izen emateak azaroaren 7an 17:00etan irekiko dira.

ehm lasterketan kasuan, izen-ematea zuzenekoa izango da, hau da, inskripzioa egiten den unean bertan ordaindu beharko da. g2h eta mmm lasterketen kasuan, hasierako inskripzioa itxaro-zerrendan izango da, izena emateko unearen arabera ordenatuta.

Itxaro-zerrenda hori publikoa izango da eta www.ehunmilak.com webgunean kontsultatu ahal izango da. Arratsaldeko 18:00etan, g2h-ko lehen 550 izen-emateak eta mmm lehen 350ak izena emateko aukera izango dute. Horretarako, email bat jasoko dute beharrezko argibideak azalduz, eta 72 ordu izango dituzte izena ematearen ordainketa egiteko (izen-ematea epe horretan formalizatu ezean, plaza galduko da). Behin ordainketa eginda, izen-emate hori izena emandakoen zerrendara pasako da.

Datozen asteetan izen emateen informazioaren berri gehiago emango dugu, beraz adi egon!

#ehunmilak25

Zain zeundeten eta iritsi da albistea jakinarazteko eguna!

2025 uztailaren 11, 12 eta 13an ospatuko da ehunmilak Ultra-Trail®  lasterketaren 14. edizioa!

Gure 3 lasterketekin jarraituko dugu eta guztira 1450 partaiderentzako lekuarekin:

• ehunmilak Ultra-Trail® proba (171km / D+10.500m) → 550 partaide.
• goierriko bi haundiak trail (90km / D+5.500m) → 550 partaide.
• marimurumendi maratoia (42km / D+2.300m) → 350 partaide.

Datorren astean izen emateen irekiera data adieraziko dugu, adi egon! 

#ehunmilak25